Mbreme, Kuvendi me 53 vota pro, 26 abstenim dhe asnjë votim kundër miratoi ndryshimet në Ligjin për Mbrojtjen e Popullsisë nga Sëmundjet Infektive, të cilat mundësojnë masat e reja të mbrojtjes kundër Covid-19.
Bëhet fjalë për disa masa, duke përfshirë mbajtjen e detyrueshme të maskave mbrojtëse ose pajisjeve mbrojtëse kudo gjatë qëndrimit jashtë, dhe grupimi i më shumë se katër personave në hapësirën publike pas orës 22:00 do të ndalohet.
Ministri Filipçe tha se ndryshimet e reja vijnë nga numri në rritje i rasteve të regjistruara dhe mbipopullimi i spitaleve, si dhe për shkak të përvojës dhe zbatimit të kontrollit të masave parandaluese të përshkruara më parë.
Më herët, Filipce tha se nëse këto masa që u bllokuan nga opozita gjatë miratimit të tyre, nuk funksionojnë, do të pasojë një shtetrrethim.
Maqedonia sot regjistroi një rekord 870 të infektuar dhe 14 viktima. Vetëm disa ditë më parë, u vendos një rekord në numrin e viktimave, kur një total prej 22 personash humben jeten nga koronavirus në një ditë.
